Жаңалықтар
Заңгер Есұмқанов М.З. орман шаруашылығы және жануарлар әлемі саласындағы сыбайлас жемқорлыққа қарсы іс-қимыл тақырыбында ұжыммен семинар-кеңес өткізді.
Негізгі назар этика нормаларын сақтау, процестердің ашықтығын арттыру және резерват қызметкерлерінің арасында сыбайлас жемқорлық әрекеттерінің алдын алудың маңыздылығына аударылды.
Осындай іс-шараларды өткізу сыбайлас жемқорлық тәуекелдерін төмендетуге және орман шаруашылығы қызметінің қоғамдағы сенімін нығайтуға ықпал етеді.
Құрметті Қазақстандықтар Республика күнімен шын жүректен құттықтаймыз!
Отанымыздың әрбір күні құт-берекеге толы болсын, халқымыздың ынтымағы артып, елдігіміз мәңгі жасасын.
Баршаңызға бейбіт өмір, бақ-береке, табыстар тілейміз!
Күз мезгілі қарағай отырғызуға қолайлы, өйткені ылғалдылық жеткілікті.
Табиғи резерваттың 16 орманшылығының орманшылары күзгі орман отырғызуға кірісті. Табиғи резерват ормандары 7 500 000 данадан астам жас қарағай көшеттерімен толығады.
Бұл орман екпелері алып жатқан орман қорының 1731 гектар жерін қалпына келтіруге мүмкіндік береді.
Отырғызу механикаландырылған тәсілмен МТЗ-82 тракторларының базасында SN-1 маркалы ағаш отырғызу машиналарымен, резерваттың жеке тұқымбақтарында өсірілген 2 жылдық отырғызу материалымен жүзеге асырлуда.
Ағаш отырғызуға 400-ге жуық жұмыскерлер және 93 орман отырғызу машинасы жұмылдырылды.
Ағымдағы жылдың күз мезгілінде Орман шаруашылығы және жануарлар дүниесі комитетінің келісімі бойынша резерват теңгеріміне "Семей орманы" МОТР РММ Канонер филиалының орман тұқымы кешенінен 420 000 дана мөлшерінде жабық тамыр жүйесі бар кәдімгі қарағай көшеттері тегін берілді. Қазіргі уақытта отырғызу Шалдай және Бесқарағай филиалдарының 4 орманшылығының аумағында ммеханикаландырылған тәсілмен 3,5 м*0,8 м схема бойынша жүргізілуде.
🌱 Орман шаруашылығы қызметкерлері күні кәсіби мерекесі қарсаңында #Менорманшымын мерекелік апталығын ашамыз.
🌱 В преддверии профессионального праздника Дня работников Лесного хозяйства открываем праздничную неделю #Менорманшымын
🔹 Аманов Марат Сабитқанұлы орман шаруашылығы саласында 17 жыл!
Бүгін «Таза Қазақстан» экологиялық акциясы және орман шаруашылығы қызметкерлері күні қарсаңында Шалдай ауылының мектеп оқушылары мен орманшылар мектеп ауласында ағаш отырғызды.
Акция аясында жалпы 50 түп кәдімгі қарағай көшеті отырғызылды.
Акцияның мақсаты ағаштарды отырғызу ғана емес, сонымен қатар балаларға қоршаған ортаны, табиғатты қорғау және тазалықты сақтау қаншалықты маңызды екенін көрсету.
Болашақта бұл қарағайлар мектептің көркіне айнала отырып аумағымыздың экологиялық мәселелірін шешуге де септігін тигізеді деген ойдамыз.
Негізгі биотехниялық шаралардың бірі-жасанды суару құрылғылары болып табылады. Осы орайда аңшылықтанушылар жасанды суару құрылғыларын тазалап отырады.
Табиғи резерват аумағында 50-ге жуық құрылғылар бар.
Құрғақ климатқа байланысты биотехниялық шаралардың бұл түрі маңызды. Сусыз тіршілік жоқ. Су ресурстарының арқасында орман тұрғындарының саны төмендемейді, тек көбейеді.
Жергілікті тұрғындармен түсіндіру және үгіт-насихат жұмыстары, мектеп оқушыларына арналған дәрістер мен сыныптан тыс сағаттарда өткізілуде.
Жануарларды суару және тамақтандыру ғана емес, сонымен бірге ерекше қорғалатын табиғи аумақта аң аулауды білмейтін әуесқойлардан сақтау керек. ЕҚТА аумағында заңсыз аң аулағаны үшін бес мың айлық есептік көрсеткішке дейінгі мөлшерде айыппұл көзделген.
Табиғат қорғау заңнамасының ережелерін сақтаңыз! Табиғатты қорғаңыз.
Мемлекет басшысының Таза Қазақстан экологиялық акциясын өткізу тапсырмасын орындау, орманды сақтау және молықтыру идеясын қолдау мақсатында, Орман шаруашылығы қызметкерлері күні қарсаңында «Ертіс орманы» табиғи резерватында кәдімгі қарағай көшеттері отырғызылды.
Акция, Есілбай, Шалдай ауылының тұрғындарымен қолдау тапты.
Акцияға қатысушылар Сейтен орманшылығында 4500 дана жас қарағай көшеттерін отырғызды.
Акцияға барлығы 50 адам қатысты.
Осындай іс-шара азаматтарды табиғатты аялауға, ормандарды қалпына келтіру және сақтауда маңызды рөл атқарады.
Дүниежүзілік жануарларды қорғау күні аясында резерват аумағында бірқатар биотехникалық іс-шаралар өткізілуде. Іс-шаралар жануарлардың тіршілік ортасын жақсартуға және табиғи экожүйелерді қорғауға бағытталған.
Іс-шаралар жоспары:
- Қыс мезгіліне дайындық ретінде жабайы жануарлар үшін жем-шөп дайындау және тарату;
- Суаттарды тазарту және жабайы аңдардың суға қолжетімділігін қамтамасыз ету;
- Бақылау камералары арқылы жануарлардың қозғалысын қадағалау және олардың санын есепке алу.
Бұл жұмыстар табиғатты қорғау және биоалуантүрлілікті сақтау мақсатында жүзеге асырылады. Резерват қызметкерлері жануарлардың табиғи мекендеу ортасын сақтау үшін бар күш-жігерін салуда.
Бәріміз бірге табиғатты және жануарлар әлемін қорғайық!