Көктемнің келуімен «Ертіс орманы» МОТР РММ аумағы жанданып, табиғат тіршілікке тола түседі.
Осы кезеңде мұнда табиғаттың ең әсем құбылыстарының бірі — құстардың жылы өңірлерден қоныс аударуы.
Мыңдаған құстар туған жеріне қайта оралып, орманды әсем әуенге бөлеп, айналаны жандандырады. Олардың арасында орманның үйреншікті құстары да, сирек кездесетін түрлер де бар. Бұл аумақ құстар үшін маңызды тынығу және ұя салу орны болып табылады.
Көктемгі көші — құстар өміріндегі аса маңызды кезеңдердің бірі. Ол олардың тіршілігін жалғастыруда үлкен рөл атқарады.
«Ертіс орманы» — құстар үшін сенімді мекен және қауіпсіз орта.
Табиғатты аялаңыздар және оның сұлулығын бағалаңыздар!
