Жаңалықтар
Тазалық — әр адамнан, әр үйден, әр көше мен жолдан басталуы тиіс. Себебі бұл — біздің орта, болашақ ұрпаққа қалдыратын аманат.
⠀
«Жас келсе – іске» демекші, Шақа ЖОББМ оқушылары, мектеп орманшылығы мүшелері және Бесқарағай орманшылығының бас орманшысы Қасымов Б.Д. жетекшілігімен 0,5 гектар аумақта тазалық жұмыстары жүргізілді.
⠀
Ортақ іске жұмыла кірісу — қоршаған ортаны құрметтеудің жарқын көрінісі. Табиғаттың тазалығы – әр адамның ішкі мәдениеті мен азаматтық жауапкершілігінің айғағы.
⠀
«Ертіс орманы» мемлекеттік табиғи резерваты “Таза Қазақстан” экологиялық акциясы аясында баршаңызды табиғатты қорғауға және тазалықты сақтауға шақырады!
Табиғат – біздің ортақ байлығымыз. Бір ғана сіріңке тұтас орманды күлге айналдыруы мүмкін.
⠀
Орман өртінің негізгі себептері:
- Абайсыз тасталған темекі немесе от;
- Рұқсатсыз от жағу;
- Құрғақ шөпті жағу;
- Әдейі өртеу.
⠀
Есте сақтаңыз:
- Орманда от жағуға тыйым салынады;
- Демалыстан кейін отты толық өшіріп кетіңіз;
- Балаларды қараусыз қалдырмаңыз.
⠀
Өрт белгілерін байқасаңыз, бірден 101 немесе 112 нөміріне хабарласыңыз!
⠀
Орман – ұрпаққа аманат!
Қорғайық, сақтайық, қадірлейік!
Өрт қаупі жоғары маусымда мемлекеттік инспекторлар шөп шабумен айналысатын тұрғындар арасында түсіндіру-профилактикалық жұмыстарын жүргізуде.
⠀ Негізгі назар келесі бағыттарға аударылуда:
- өрт қауіпсіздігі ережелерін сақтау;
- техникаларды өрт сөндіру құралдарымен жабдықтау;
- құрғақ шөп пен қоқысты жағуға тыйым салу.
⠀
Әрбір сақтық шарасы – орманды өрттен сақтау жолындағы маңызды қадам!
«Ертіс орманы» мемлекеттік орман табиғи резерваты аумағында жабайы жануарлардың популяциясын бақылау мақсатында фототұзақтар орнату жұмыстары тұрақты түрде жүргізілуде.
Бұл құрылғылар жануарлардың қозғалысын автоматты түрде түсіріп, олардың түрлік құрамын, таралу аймағын және тіршілік әрекеттерін зерделеуге мүмкіндік береді. Жиналған деректер ғылыми-зерттеу жұмыстарында және табиғатты қорғау шараларын жоспарлауда маңызды рөл атқарады.
Фототұзақтар арқылы сілеусін, бұлан, елік және басқа да жануарлардың ерекше сәттері тіркелуде.
Табиғатты зерттеу — оны қорғаудың сенімді жолы.
«Ертіс орманы» резерватында жабайы жануарлардың қысқы маусымда қорексіз қалмауы үшін азық қоры жүйелі түрде дайындалуда.
⠀
Аңшылықтанушылар биылғы қысқа:
25 тонна шөп
6000 дана азықтық сыпырғыштар
дайындауда.
⠀
Азықтар жануарлар жиі шоғырланатын, қауіпсіз және қолжетімді аймақтарда орналастырылады.
⠀
Табиғатты аялау – әрқайсымыздың міндетіміз!
⠀
«Ертіс орманы» МОТР РММ-нің мемлекеттік орман инспекторлары өрт қаупі жоғары кезеңде орман өрттерінің алдын алу шараларын жүйелі түрде жалғастыруда.
⠀
Азаматтарға орман өртінің алдын алу туралы түсіндіру жұмыстары жүргізіліп, ақпараттық буклеттер таратылды. Сонымен қатар, орман алқаптарына дрон аппараты арқылы әуеден бақылау жұмыстары ұйымдастырылды.
⠀
Құрметті өңір тұрғындары!
Өрт қауіпсіздігі талаптарын қатаң сақтауға, орман алқаптарында от жағудан және жанғыш материалдарды пайдаланудан бас тартуға шақырамыз.
⠀
Табиғат — ортақ байлығымыз. Оның қауіпсіздігі — әрқайсымыздың жауапкершілігіміз.
Жалпыұлттық “Таза Қазақстан” бастамасы аясында “Таза Өлке – Таза Қазақстан” экологиялық акциясы ұйымдастырылды. Іс-шараға “Ертіс орманы” МОТР РММ-нің қызметкерлері мен Шарбақты ауданының “Жасыл ел” жастар қанаты белсенді қатысты.
⠀
Қатысушылар орман аумағында және ауыл маңында тазалық жұмыстарын жүргізіп, табиғатты қорғауға өз үлестерін қосты.
⠀
Тазалық – тәртіптің негізі.Шашпаған жерде тазалық болады!
⠀
Барша өңір тұрғындарын қоршаған ортаны таза ұстауға шақырамыз.
Таза Қазақстанды бірге құрамыз!
⠀
#ТазаҚазақстан #ТазаӨлке #ЖасылЕл #Ертісорманы #Экология #ТазалықҚайдаСолЖердеБереке
«Ертіс орманы» МОТР РММ аумағында тіркелген Cladonia rangiferina немесе бұғы қынасы— биологиялық әртүрліліктің айқын мысалы болып табылады. Бұл қына Солтүстік жартышардың қылқан жапырақты ормандары мен тундра белдеулерінде кең таралған, ал біздің резерват аумағында сирек кездесетін, экологиялық тұрғыдан өте құнды түр ретінде ерекше қорғалады.
⠀
🌿 Кладония оленья — бұғы мен еліктердің қыс мезгіліндегі негізгі азығы. Сонымен қатар, ол топырақтың ылғалдығын ұстап тұруда, эрозияны болдырмауда маңызды рөл атқарады. Бұл түр табиғи орта тазалығының көрсеткіші саналады, себебі ол тек экологиялық жағдайы тұрақты, ластанбаған аумақтарда ғана өседі.
⠀
🔬 Резерваттың ғылыми бөлімінің қызметкерлері бұл қынаны бақылау мен зерттеу жұмыстарын жүргізуде. Оның таралу аймағын картаға түсіру, популяциялық жай-күйін бақылау және табиғи ортаға әсерін бағалау — биоалуантүрлілікті сақтау жолындағы маңызды бағыттардың бірі.
⠀
🌍 Табиғатты қорғау — тек жануарлар мен өсімдіктер үшін емес, болашақ ұрпақ үшін де жасалып жатқан ортақ іс.
Іс-шара барысында жабайы жануарлар тіршілік ететін аумақтар бақылауға алынып, бірқатар жұмыстар атқарылды. Атап айтқанда:
– жануарларға арналған жасанды суаттар мен егістік алқаптар тексерілді;
– бірнеше нүктеге фототұзақтар орнатылды;
– азықтандыру алаңдарына жөндеу жұмыстары жүргізіліп, арнайы тұздар салынды.
Мұндай жұмыстар жабайы жануарлардың жайлы мекендеп, табиғи тепе-теңдікті сақтауына мүмкіндік береді. Резерват аумағында тұрақты түрде бақылау мен күтім жасау – биологиялық әртүрлілікті сақтауда маңызды рөл атқарады.
Кездесу барысында қызметкерлерге сыбайлас жемқорлыққа қарсы заңнама талаптары түсіндіріліп, еңбек тәртібі мен қызметтік әдеп нормаларын сақтау туралы айтылды. Сонымен қатар, ашықтық пен әділдік қағидаттарын ұстану, заң бұзушылықтарға жол бермеу, ұжымдық жауапкершілік пен адал еңбекке шақыру мәселелері көтерілді.
Мұндай кездесулер тұрақты түрде өткізіліп, ұжымда сыбайлас жемқорлыққа мүлдем төзбеушілік қағидатының қалыптасуына ықпал етеді.