Жаңалықтар
Бұған дейін самыркешті «Ертіс орманы» МОТР РММ аумағында сирек кездестіретінбіз. Ал биыл күзде жағдай өзгерді. Самыркештер тек біздің өңірде ғана емес, Қазақстанның көптеген аймақтарында байқала бастады.
Олардың жаппай қоныс аударуына не себеп болды?
Мүмкін себептердің бірі – биылғы жылғы қалыптан тыс ауа райы. Солтүстік тайгаларда қылқанжапырақты ағаштардың бүрі мен жидектерінің өнімі өте төмен болған болуы мүмкін. Сондықтан қорек іздеген самыркештер оңтүстікке қарай ұзақ қашықтыққа қоныс аударуға мәжбүр болған шығар.
Қазіргі жаһандық климаттың өзгеруі жағдайында олардың алдағы тағдыры да қызықты. Көктемде қайтадан солтүстікке ұшып кете ме, әлде кейбір дарақтары біздің өңірде қалып қоя ма – әзірге белгісіз. Мұны алдағы бақылаулар көрсетеді.
Егер самыркештер біздің аумақта тұрақты мекендей бастаса, оның табиғи ортаға әсері әртүрлі болуы мүмкін.
Бір жағынан, самыркештердің қорегінде әртүрлі жәндіктер мен олардың дернәсілдері бар. Олардың арасында орман зиянкестері де кездеседі. Сонымен қатар самыркештер қылқанжапырақты ағаштардың тұқымдарын жинап, әр жерге жасырады. Жасырылған тұқымдардың бір бөлігін кейін таппай қалады. Осылайша бұл құс орманның табиғи жаңаруына және тұқымдардың таралуына үлес қосады.
Ал екінші жағынан, жаңа түрдің көптеп пайда болуы экожүйедегі қалыптасқан қоректік байланыстарға әсер етуі мүмкін. Самыркештер ұсақ кеміргіштермен де қоректенеді, сондай-ақ қорек үшін басқа құстармен және тиіндермен бәсекелесуі ықтимал.
Сондықтан кез келген жаңа түрдің белгілі бір аумақта көптеп пайда болуы биоценоздағы қоректік байланыстар мен түрлер арасындағы бәсекелестікке өзгеріс енгізуі мүмкін.
Әзірге «Ертіс орманы» МОТР РММ мамандары бақылау жүргізуде. Мүмкін, көктемде самыркештер қайтадан солтүстік тайгаларға ұшып кетер. Ал кейбірі біздің өңірде қалып қоюы да мүмкін.
Бүгін — жануарлар әлемін қорғаудың маңыздылығын еске салатын ерекше күн.
23 қыркүйекте Туризм күнін мерекелеу аясында туризм және экологиялық ағарту бөлімінің мамандары Ботабас орманшылығының қызметкерлерімен, жүргізушілермен және қонақ үйдің меңгерушісімен бірлесіп, аумақты көгалдандыру бойынша экологиялық акция өткізді.
🌱 Акция барысында 30 шырғанақ көшеті отырғызылды. Отырғызу материалын Бауртал орманшылығының өкілдері ұсынды.
Осындай экологиялық акциялар — біздің жұмысымыздың маңызды әрі қажетті бөлігі. Өйткені табиғатқа деген қамқорлық әрқайсымыздан басталады. Айналамызда жасыл желек, бақтар мен гүлге бөленген көрікті мекендер көп болсын! 🌳💚
Бүгін сұлулықты жасаймыз — болашақ ұрпақ үшін табиғатты сақтаймыз!
Құрметті тұрғындар! «Ертіс орманы» МОТР РММ орманшылықтарының жоғарғы қоймаларынан отындық ағашты сатып алу және босату тәртібі туралы хабарлаймыз.
Отындық ағаш сатып алу үшін жеке және заңды тұлғалар тиісті филиал директорының атына өтініш беруі қажет. Өтініш келісілгеннен кейін төлем шоты беріледі. Шоттың жарамдылық мерзімі – 1 күн.
Қаражат Резерваттың шотына түскеннен және төлем расталғаннан кейін босатылатын орман өнімінің атауы, көлемі және алу мерзімі көрсетілген тиісті құжаттар рәсімделеді.
🪵 2026 жылға арналған орман өнімдерін босату бағаларының бекітілген прейскурантына сәйкес отындық ағаштың құны – 4 000 теңге.
Отындық ағаш жоғарғы қоймадан жұмыс күндері сағат 08:00-ден 18:00-ге дейін босатылады. Демалыс күндері сағат 08:00-ден 18:00-ге дейін Резерват қызметкерлеріне Резерват аумағынан тыс жерге алып шығу құқығынсыз босатылады.
Босатуға және тасымалдауға жататын орман өнімдері міндетті түрде таңбаланады. Орман өнімдерін тасымалдау тиісті құжаттар болған жағдайда және белгіленген талаптарды сақтай отырып жүзеге асырылады.
❗ Төленген орман өнімдерін құжаттарда көрсетілген мерзімде уақытылы алып кетулеріңізді сұраймыз.
🌲 Орманды сақтап, белгіленген тәртіпті сақтайық!
#ЕртісОрманы #ОтындықАғаш #ОрманӨнімдері #ОрманШаруашылығы
Құрметті тұрғындар! «Ертіс орманы» МОТР РММ орманшылықтарының жоғарғы қоймаларынан отындық ағашты сатып алу және босату тәртібі туралы хабарлаймыз.
Отындық ағаш сатып алу үшін жеке және заңды тұлғалар тиісті филиал директорының атына өтініш беруі қажет. Өтініш келісілгеннен кейін төлем шоты беріледі. Шоттың жарамдылық мерзімі – 1 күн.
Қаражат Резерваттың шотына түскеннен және төлем расталғаннан кейін босатылатын орман өнімінің атауы, көлемі және алу мерзімі көрсетілген тиісті құжаттар рәсімделеді.
🪵 2026 жылға арналған орман өнімдерін босату бағаларының бекітілген прейскурантына сәйкес отындық ағаштың құны – 4 000 теңге.
Отындық ағаш жоғарғы қоймадан жұмыс күндері сағат 08:00-ден 18:00-ге дейін босатылады. Демалыс күндері сағат 08:00-ден 18:00-ге дейін Резерват қызметкерлеріне Резерват аумағынан тыс жерге алып шығу құқығынсыз босатылады.
Босатуға және тасымалдауға жататын орман өнімдері міндетті түрде таңбаланады. Орман өнімдерін тасымалдау тиісті құжаттар болған жағдайда және белгіленген талаптарды сақтай отырып жүзеге асырылады.
❗ Төленген орман өнімдерін құжаттарда көрсетілген мерзімде уақытылы алып кетулеріңізді сұраймыз.
🌲 Орманды сақтап, белгіленген тәртіпті сақтайық!
#ЕртісОрманы #ОтындықАғаш #ОрманӨнімдері #ОрманШаруашылығы
Бүгін «Ертіс орманы» мемлекеттік орман табиғи резерватының аумағында аңшылықтанушылардың қысқы маусымға дайындық мәселелері бойынша жұмыс жиналысы өтті.
Жиынға Шалдай және Бесқарағай филиалдарының аңшылықтанушылары қатысты.
Жиналыс барысында аңшылықтанушылардың негізгі міндеттері, өздеріне бекітілген орманшылықтардағы биотехникалық жұмыстарды уақытылы әрі сапалы орындау, қысқы кезеңге дайындық мәселелері талқыланды.
Сонымен қатар:
🔹 күзгі құстар санағын ұйымдастыру және жүргізу;
🔹 аңшылық маусымы кезінде қырағылық таныту және табиғи аумақтарды қорғау;
🔹 жануарлар дүниесін бақылау;
🔹 алдағы қысқы санаққа дайындық жұмыстары қаралды.
Жиынның негізгі мақсаты – аңшылық шаруашылығын жүргізу, жануарлар дүниесін қорғау және қысқы кезеңде есепке алу жұмыстарын жүйелі әрі сапалы ұйымдастыру.
🌿 Табиғатты қорғау – ортақ міндет!