Жаңалықтар
1) Лоттар көрсетілген, еркін нысанда рәсімделген конкурсқа қатысуға өтінім;
2) Заңды тұлғалар үшін – жарғының көшірмесі және заңды тұлғаны мемлекеттік тіркеу (қайта тіркеу) туралы куәліктің немесе анықтаманың көшірмесі, жеке тұлғалар үшін – жеке басын куәландыратын құжаттың көшірмесі;
3) Ұлттық парк учаскесін пайдалану және жайластыру жоспары, оның ішінде пайдаланушы аумағында орналасқан мемлекеттік табиғи-қорық қоры объектілерін, тарихи-мәдени мұра объектілерін сақтау жөніндегі іс-шаралар, санитариялық-гигиеналық және өртке қарсы шаралар;
4) Уақытша объектілерді орналастыру үшін жеткілікті қаржы қаражатының бар екендігін және (немесе) қарыз қаражатына қол жеткізу мүмкіндігін және (немесе) тиісті материалдық және еңбек ресурстарының бар екендігін растайтын құжаттар;
5) Пайдаланушы аумағында орналасқан табиғи кешендерді, мемлекеттік табиғи-қорық қоры объектілерін және тарихи-мәдени мұра объектілерін сақтауды қамтамасыз етуге бағытталған ұсынылатын қызметтер мен жұмыстардың тізбесі, жергілікті халық үшін жаңа жұмыс орындарын құруды және мүмкіндігі шектеулі адамдарға жағдай жасауды ескере отырып;
6) Табиғи кешендерді туристік және рекреациялық мақсаттарда пайдалану, туристік және рекреациялық мақсаттағы объектілерді пайдалану үшін ұсынылатын төлем мөлшері.
Конкурсқа қатысуға өтінім өтініш беруші тарапынан тігіліп, беттері нөмірленген түрде ұсынылады және соңғы беті оның қолымен куәландырылады.
—————
«Ертіс орманы» мемлекеттік орман табиғи резерваты» республикалық мемлекеттік мекемесі туристік және рекреациялық қызметтерді дамыту мақсатында нысаналы мақсаты бойынша 5 жылға дейінгі мерзімге қысқа мерзімді жер пайдалану құқығымен жер учаскелерін ұсынады.
📍 Мекеменің орналасқан мекенжайы:
Павлодар облысы, Шарбақты ауданы, Шалдай ауылы, Ленин көшесі, 60
📅 Конкурстық өтінімдерді қабылдау мерзімі:
2026 жылғы 13 шілде сағат 18:00-ге дейін
📌 Конкурстық өтінімдерді ашу:
2026 жылғы 14 шілде сағат 10:30-да
Қосымша ақпарат алу үшін:
«Ертіс орманы» МОТР РММ қабылдау бөлмесі
☎️ 8 (7183632) 2-52
🌐 https://ertis-ormany.kz
📩
🏕️ Ұсынылатын жер учаскелері туристік инфрақұрылымды дамытуға, демалыс аймақтарын құруға және экологиялық туризмді ілгерілетуге арналған.
✅ Инвестициялық жобаларды іске асыруға қолайлы;
✅ Туристік нысандар салуға мүмкіндік бар;
✅ Жер учаскелері табиғат қорғау заңнамасының талаптарын сақтай отырып пайдаланылады.
🌲 Инвесторлар мен кәсіпкерлерді орман резерватының туристік әлеуетін дамытуға және бірегей табиғатты ұқыпты сақтай отырып, ынтымақтастыққа шақырамыз
Ағымдағы жылдың 5–7 шілде аралығында «Ертіс орманы» МОТР РММ ғылым, ақпарат және мониторинг бөлімінің қызметкерлері Ә. Марғұлан атындағы Павлодар педагогикалық университеті мамандарымен бірлесіп, орман өрті болған учаскелерден топырақтың механикалық құрамын анықтау мақсатында топырақ үлгілерін іріктеу жұмыстарын жүргізді.
Аталған зерттеу өрттің топырақ жамылғысының физикалық қасиеттеріне әсерін бағалауға, оның құрылымындағы ықтимал өзгерістерді анықтауға, сондай-ақ орман экожүйелерінің табиғи қалпына келу үдерістерін одан әрі мониторингтеуге қажетті ғылыми негізделген деректерді алуға мүмкіндік береді.
Зерттеу нәтижелері зардап шеккен аумақтарды қалпына келтіру жөніндегі ұсынымдарды әзірлеу, сондай-ақ мемлекеттік орман қоры аумағындағы табиғи экожүйелерді сақтау және қорғау жөніндегі іс-шараларды жетілдіру мақсатында пайдаланылатын болады.
#ЕртісОрманы #Ғылым #Мониторинг #Орман #Топырақ #ОрманӨрттері #ОрмандыҚалпынаКелтіру
Қысқы кезеңге дайындық аясында «Ертіс орманы» резерватында аңшылықтанушылар жабайы жануарларға арналған азықтық сыпырғыштар дайындау жұмыстарын жүргізуде.
🌿 Табиғатты қорғау – әрқайсымыздың ортақ міндетіміз!
«Ертіс орманы» мемлекеттік табиғи орман резерватында орман аумақтарының тазалығын сақтау және экологиялық мәдениетті арттыру мақсатында «Таза орман» экологиялық акциясы өткізілді.
Акция барысында мекеме қызметкерлері орман алқаптарын тазалап, тұрмыстық қалдықтарды жинады. Осындай іс-шаралар табиғи байлықты сақтауға, ормандардың экологиялық жағдайын жақсартуға және қоршаған ортаға ұқыпты қарау мәдениетін қалыптастыруға ықпал етеді.
Таза орман – баршамыздың ортақ жауапкершілігіміз. Табиғатты келер ұрпаққа аман жеткізу – бәріміздің міндетіміз.
#ЕртісОрманы#ТазаОрман#ТазаОрманАкциясы#ТабиғаттыАялайық #ТазаҚазақстан
Көктемгі және күзгі кезеңдерде отырғызылған орман екпелерінің жерсінуі мен сақталу деңгейін анықтау мақсатында ғылым, ақпарат және мониторинг бөлімінің қызметкерлері бұрын құрылған уақытша сынақ алаңдарында ай сайын мониторинг жүргізуде.
Вегетациялық кезеңнің қорытындысы бойынша әртүрлі мерзімде отырғызылған орман екпелерінің жерсінуі мен сақталуына объективті баға берілетін болады. Бұл отырғызу мерзімдерінің тиімділігін анықтауға және резерват жағдайында орман өсірудің табыстылығы туралы қорытынды жасауға мүмкіндік береді.
#ЕртісОрманы#ОрманШаруашылығы #ОрманҚалпынаКелтіру #ОрманЕкпелері#Экология#ОрманМониторингі#ҒылымЖәнеТабиғат#ОрманҚорғау#ЖасылҚазақстан #ОрмандыСақтау
Қазіргі уақытта мамандар мен жалдамалы жұмысшылар Бауртал және Сейтен орманшылықтарында агротехникалық күтім шараларының кешенін жүргізуде. Жас орман көшеттеріне күтім жасау арамшөптерді қолмен отау, топырақты қопсыту және қажетсіз өсімдіктерді жою жұмыстарын қамтиды. Бұл көшеттердің жақсы өсіп, дұрыс дамуына қолайлы жағдай жасайды.
Жас орман екпелеріне уақтылы әрі сапалы күтім жасау – орманды қалпына келтіру жұмыстарының маңызды кезеңдерінің бірі. Бұл болашақ ұрпақ үшін сау, төзімді және өнімді ормандарды қалыптастыруға мүмкіндік береді.
🌲 Әрбір көшетке ұқыпты қарау – еліміздің орман байлығын сақтау мен көбейтуге қосылған маңызды үлес.
#ЕртісОрманы #ШалдайФилиалы #ОрманҚалпынаКелтіру #ОрманКөшеттері #ОрманШаруашылығы
Орман тұқымбағының жұмысшылары жас өскіндердің сапалы өсіп-жетілуіне қолайлы жағдай жасау мақсатында агротехникалық күтім шараларын жүргізуде. Жұмыстар қатарына арамшөптерді қолмен отау, топырақты қопсыту, суару және арамшөптерді жою кіреді.
Отырғызу материалына уақтылы күтім жасау – болашақта орман қорын қалпына келтіру және сақтау жұмыстарында пайдаланылатын кәдімгі қарағайдың (Pinus sylvestris) сау әрі мықты өскіндерін өсірудегі маңызды кезең.
🌲 Тұқымбақтарға бүгін жасалған қамқорлық – ертеңгі жасыл орманның кепілі!
#ЕртісОрманы #ОрманТұқымбағы #КүтімЖұмыстары #ОрмандыҚалпынаКелтіру #ОрманҚорғау #ТазаҚазақстан #Экология #ОрманШаруашылығы
«Ертіс орманы» МОТР РММ-да Дүниежүзілік қоршаған ортаны қорғау күніне орай және «Эколог күні» кәсіби мерекесі қарсаңында экология саласының дамуы мен өркендеуіне қосқан үлесі үшін қызметкерлерге Құрмет грамоталары табысталды. 👏
Іс-шара барысында Қазақстан Республикасы Экология және табиғи ресурстар министрлігінің атынан қызметкерлерге алғыс хаттар табысталды.
👏 Сіздердің кәсібиліктеріңіз бен жауапкершіліктеріңіз – табиғатты қорғау ісіндегі маңызды тірек!
#ЕртісОрманы #Марапаттау #АлғысХат #ОрманШаруашылығы