Жаңалықтар
«Ертіс орманы» мемлекеттік орман табиғи резерватының қарағайлы ормандарында табиғаттың ерекше туындыларының бірі – бұғы кладинасы (ягель) (Cladonia rangiferina) өседі.
Сырт көзге мүкке ұқсайтын бұл өсімдік шын мәнінде саңырауқұлақ пен балдырдың селбесіп тіршілік етуінен түзілген қына. Оның ақшыл сұр түсті, бұтақтанып өсетін қабаттары орман төсенішінде әсем табиғи кілем тәрізді көрініс қалыптастырады.
📍 Бұғы кладинасы Қазақстан Республикасының Қызыл кітабына енгізілген сирек кездесетін әрі қорғауды қажет ететін түр. Солтүстік Қазақстан оның таралу аймағының оңтүстік шекарасы болып табылады. Сондықтан бұл түрді сақтау еліміздің биологиялық алуантүрлілігін қорғауда ерекше маңызға ие.
🌱 Бұғы кладинасы өте баяу өседі – жылына небәрі 3–5 миллиметр ғана. Үлкен шоғырлардың қалыптасуына ондаған жыл қажет болғандықтан, оның аз ғана зақымдануының өзі ұзақ уақыт бойы қалпына келуіне себеп болады.
🌲 Бұл қына құрғақ құмды топырақтарда, жарық мол түсетін қарағайлы ормандарда, мүктер мен басқа да қыналардың арасында өседі. Осындай қолайлы табиғи орта «Ертіс орманы» резерватының аумағында сақталған.
🌍 Бұғы кладинасы табиғаттағы маңызы зор:
• топырақ түзілуіне қатысады;
• топырақтағы ылғалды сақтауға көмектеседі;
• ауаның тазалығының табиғи көрсеткіші болып саналады;
• солтүстік бұғылары үшін негізгі қорек көздерінің бірі болып табылады.
⚠️ Бұғы кладинасы төнетін негізгі қауіптер – орман өрттері, орманды кесу, тапталу және ауаның ластануы. Өте баяу өсетіндіктен, бүлінген алқаптардың қайта қалпына келуі көптеген жылдарға созылады.
💚 Бұғы кладинасы қорғау арқылы біз Ертіс өңірінің бірегей қарағайлы ормандарын, олардың биоалуантүрлілігін және Қазақстанның табиғи мұрасын сақтаймыз.
#ЕртісОрманы #ҚызылКітап #БұғыКладинасы#Ягель#Биоалуантүрлілік #ТабиғаттыҚорғайық #Экология
Борабай орманшылығының қызметкерлері туризм және экологиялық ағарту бөлімінің мамандарымен бірлесіп орман жиегін тазарту жұмыстарын жүргізді.
Іс-шара барысында орман жиегі тұрмыстық қалдықтардан және өрт қаупін тудыратын жанғыш материалдардан тазартылды. Мұндай жұмыстар орманның санитарлық жағдайын жақсартып, орман өрттерінің алдын алуға, сондай-ақ келушілер үшін табиғи аумақтардың қауіпсіздігі мен тазалығын қамтамасыз етуге ықпал етеді.
Табиғатты қорғау – әрқайсымыздың ортақ міндетіміз🌿💚
#ЕртісОрманы#БорабайОрманшылығы #ТазаОрман
1. лоттар көрсетілген, еркін нысанда жасалған тендерге қатысуға арналған өтінім;
2. заңды тұлғалар үшін – заңды тұлғаның жарғысының көшірмесі және мемлекеттік тіркеу (қайта тіркеу) туралы куәліктің немесе анықтаманың көшірмесі, жеке тұлғалар үшін – жеке басын куәландыратын құжаттың көшірмесі;
3. техникалық ерекшелік (ұсынылатын жұмыстар мен көрсетілетін қызметтердің техникалық сипаттамаларының сипаттамасы, оның ішінде ерекшеліктер, жоспарлар, сызбалар, эскиздер);
4. жергілікті халық үшін жаңа жұмыс орындарын құруды және мүмкіндігі шектеулі адамдарға жағдай жасауды ескере отырып, Пайдаланушы аумағында орналасқан табиғи кешендердің, мемлекеттік табиғи-қорық қоры объектілерінің және тарихи-мәдени мұра объектілерінің сақталуын қамтамасыз етуге бағытталған ұсынылатын жұмыстар мен көрсетілетін қызметтердің тізбесі;
5. уақытша объектілерді орналастыру үшін жеткілікті қаржы қаражатының бар екенін және (немесе) қарыз қаражатына қолжетімділікті және (немесе) тиісті материалдық және еңбек ресурстарының бар екенін растайтын құжаттар. Қаржы қаражатының бар болуы тендерге қатысу үшін ұсынылған күнге дейін он жұмыс күнінен кешіктірілмей екінші деңгейдегі банк берген анықтамамен расталады. Тендерге қатысушы жоба бойынша бизнес-жоспарды және оған қоса берілетін жобаның қаржылық-экономикалық моделін ұсынады;
6. уақытша объектілердің болжамды эскизі (эскиздік жобасы);
7. табиғи кешендерді туристік және рекреациялық мақсаттарда пайдаланғаны, сондай-ақ туристік және рекреациялық мақсаттағы объектілерді пайдаланғаны үшін ұсынылатын баға.
Тендерге қатысуға арналған өтінім өтініш беруші тарапынан тігілген, беттері нөмірленген түрде ұсынылады, ал соңғы беті өтініш берушінің қолымен куәландырылады.
2026 жылғы 13 шілдеде Есумқанов М.З. қызметкерлер арасында «Сыбайлас жемқорлыққа қарсы мәдениет» тақырыбында түсіндіру жұмыстарын жүргізді.
Кездесу барысында сыбайлас жемқорлыққа қарсы заңнаманың негізгі талаптары түсіндіріліп, әрбір қызметкердің қызметтік міндетіне және лауазымына қарамастан заң талаптарын қатаң сақтауы қажеттігі атап өтілді.
Сонымен қатар, жұмыс уақытында және жұмыстан тыс уақытта, оның ішінде демалыс күндері моральдық-этикалық нормаларды сақтау мәселелері қарастырылып, мемлекеттік қызметшілердің Әдеп кодексінің талаптары бойынша түсіндірме берілді.
Іс-шараның мақсаты – ұжымда адалдық қағидаттарын нығайту, сыбайлас жемқорлыққа қарсы мәдениетті қалыптастыру және құқықтық сауаттылықты арттыру.