Жаңалықтар
«Таза Қазақстан» экологиялық акциясы аясында «Ертіс орманы» мемлекеттік табиғи резерватының бастамасымен «Биоалуантүрлілікті сақтау» тақырыбында танымдық дәріс өткізілді. ⠀
Дәріске орман шаруашылығы мамандары мен мектеп оқушылары қатысты. Іс-шара барысында: биологиялық алуантүрліліктің маңызы;
сирек кездесетін жануарлар мен өсімдіктерді қорғау жолдары;
табиғи тепе-теңдікті сақтау мәселелері талқыланды. ⠀
Оқушылар өз сұрақтарын қойып, пайдалы ақпарат алды. Мұндай дәрістер – табиғатқа деген сүйіспеншілік ен жауапкершілікті қалыптастырудың тиімді жолы. ⠀
Табиғатты сақтау – әр ұрпақтың борышы! ⠀
Республикалық «Таза Қазақстан» экологиялық акциясы аясында «Ертіс орманы» мемлекеттік табиғи резерватының Егінді орманшылығында сенбілік ұйымдастырылды. ⠀
Іс-шара барысында орманшылық қызметкерлері мен мемлекеттік инспекторлар аумақты тұрмыстық қалдықтардан тазалап, табиғи ортаны сақтауға үлес қосты. ⠀
Нәтижесінде бірнеше гектар жер қалдықтардан тазартылып, экологиялық тәртіпке сай абаттандыру жұмыстары жүргізілді. ⠀
Бұл шара – қоршаған ортаға деген жауапкершілікті арттырып, табиғатты аялау мәдениетін қалыптастыруға бағытталған маңызды қадам. ⠀
Таза орта – салауатты болашақ кепілі! ⠀
Республикалық «Таза Қазақстан» экологиялық акциясы аясында Баймбет орманшылығында тазалық жұмыстары жүргізілді.
⠀
Іс-шара барысында орман алқабындағы қоқыстар жиналып, аумақ абаттандырылды.
⠀
Мұндай жұмыстар қоршаған ортаға деген жауапкершілікті арттырып, табиғатты аялауға үндейді.
⠀
Бауртал орманшылығында «Таза Қазақстан» экологиялық акциясы шеңберінде кезекті сенбілік ұйымдастырылды.
⠀
Іс-шара барысында мекеме аумағы қоқыстан тазартылып, қоршаған ортаға жанашырлықпен қарау мәдениеті насихатталды.
⠀
Осындай ұжымдық еңбек табиғатқа деген қамқорлықты арттырып, экологиялық сананы қалыптастыруға өз үлесін қосады.
⠀
Сіздерді 1 қазан — Халықаралық қарттар күнімен шын жүректен құттықтаймыз!
Бұл күн – өмірлік тәжірибесі мен даналығы мол, елге еңбегі сіңген, өнегелі өсиетімен ұрпаққа жол сілтеген аға буынға деген ерекше құрметтің белгісі.
Сіздердің жасампаз еңбектеріңіздің, төгілген тер мен ерен істеріңіздің арқасында біз бейбіт заманда өмір сүріп, болашаққа сеніммен қадам басып келеміз. Әрдайым ортамызда аман-есен жүре беріңіздер. Сіздер — біздің рухани тірегіміз, биік бағамыз!
Дендеріңізге саулық, көңілдеріңізге шаттық, шаңырақтарыңызға амандық пен береке тілейміз!
Ізгі құрметпен,
«Ертіс орманы» МОТР РММ ұжымы
Павлодар облысының Туризм және спорт басқармасының ұйымдастыруымен Ертіс орманы аумағында ақпараттық тур өтті.
⠀
Делегация құрамында ҚР Туризм және спорт министрлігінің өкілдері, «Kazakh Tourism» ұлттық компаниясы, туроператорлар және блогерлер болды.
⠀
Қонақтар резерваттың туристік әлеуетімен танысып, келесі нысандарға барды:
🔹 Ғабдул Уахит Хазрет кесенесі
🔹 «Қарағай алаңы» қонақ үйі
🔹 «Лешкинаның соқпақ жолы» жаяу жүргінші бағыты
⠀
Күзгі табиғат, қылқан жапырақтың хош иісі мен орман көрінісі, жылы қабылдау қонақтарға ерекше әсер сыйлады.
⠀
Турдың басты мақсаты — экотуризмді дамыту және Павлодар облысының табиғи байлығын насихаттау.
⠀
«Ертіс орманы» мемлекеттік табиғи резерваты жанындағы экологиялық ағарту жұмыстары жалғасуда.
⠀
Бүгін «Биоалуантүрлілікті сақтау» тақырыбындағы кезекті дәріс Мерғалым жалпы орта білім беру мектебінің оқушылары үшін өткізілді.
⠀
Дәріс барысында оқушылар биоалуантүрлілік ұғымы, оның экожүйедегі маңызы, жойылып бара жатқан түрлер және оларды сақтау жолдары туралы толық ақпарат алды.
⠀
Мұндай кездесулердің мақсаты – өскелең ұрпақтың экологиялық мәдениетін арттыру және табиғатқа деген жауапкершілік көзқарасын қалыптастыру.
⠀
Мемлекеттік орман қоры аумағында жұлдызшалы тоқығыштың (Acantholyda posticalis) популяциясын анықтау және талдау бойынша орманпатологиялық зерттеу жұмыстары жүргізілуде.
⠀
Бұл жұмыстардың мақсаты – алдағы вегетациялық маусымда имаголардың (ересек жәндіктердің) ұшып шығуын болжау және қылқанжапырақты орман алқаптарына келуі мүмкін зиянды бағалау.
⠀
⠀
Жиналған мәліметтер зиянкес жәндіктің жаппай таралуының алдын алу үшін орман қорғау шараларын уақтылы қабылдауға мүмкіндік береді.
⠀
Республикалық «Таза Қазақстан» экологиялық акциясы аясында «Ертіс орманы» мемлекеттік табиғи резерватының Бесқарағай филиалы тазалық жұмыстарына белсене қатысты.
Іс-шара Шақа ауылы маңында ұйымдастырылып, акцияға барлығы 30 адам — филиал қызметкерлері, мемлекеттік инспекторлар мен жергілікті тұрғындар атсалысты.
Нәтижесінде 2,6 гектар аумақ тұрмыстық қалдықтардан тазартылып, экологиялық тәртіп пен қоршаған ортаны қорғауға бағытталған маңызды жұмыс атқарылды.
Бұл бастама — табиғатты аялауға деген жанашырлық пен ұжымдық жауапкершіліктің жарқын көрінісі.
Табиғатты таза ұстау – әрбір азаматтың міндеті!
Орман — табиғаттың баға жетпес байлығы, тіршілік тынысы. Оны сақтау мен қорғау — әр азаматтың борышы.
⠀
Осы бағытта орман қызметкерлері күн сайын тынымсыз еңбек етуде. Олар орманды заңсыз кесу, өрт қауіпсіздігі мен табиғи тепе-теңдікті сақтау жолында тұрақты түрде күзет жұмыстарын жүргізіп, рейдтік іс-шаралар өткізуде.
⠀
Орманшылардың кәсіби біліктілігі мен жауапкершілігі — жасыл желектің амандығының кепілі.
⠀
Құрметті азаматтар! Орманды қорғау — ортақ іс. Табиғатқа жанашырлықпен қарап, заң талаптарын қатаң сақтайық!
⠀