Жаңалықтар
2026 жылғы 29 шілдеден
2026 ж. 29 шілденің 20 сағ. 2026 ж. 30 шілденің 20 сағ. аралығы
30 шілдеде күндіз Павлодар облысының солтүстігінде, шығысында, өткінші жаңбыр, найзағай, бұршақ күтіледі. Солтүстік-батыстан жел соғады, күндіз облыстың солтүстігінде екпіні 15-20 м/с. Күндіз 35 градус қатты ыстық күтіледі.
Облыстың шығысында төтенше өрт қаупі сақталады.
🎙 Тікелей эфир – 2026 жылдың 1 жартыжылдығында атқарылған жұмыстар туралы есеп
«Ертіс орманы» мемлекеттік орман табиғи резерваты РММ бас директорының міндетін атқарушы Нұрланов Медет Нұрланұлымен тікелей эфир өтеді.
🗓 Күні: 30 шілде
🕒 Уақыты: 11:00
Баршаңызды белсенді қатысуға шақырамыз!
#ЕртісОрманы #ТікелейЭфир #2026Жылдың1ЖартыжылдығындаАтқарылғанЖұмыстарТуралыЕсеп
«Шалдай арнайы әлеуметтік қызмет көрсету психоневрологиялық орталығы» КММ арнайы әлеуметтік қызмет алушыны іздестіру жұмыстарына белсенді қатысқаны үшін «Ертіс орманы» мемлекеттік орман табиғи резерваты РММ қызметкерлеріне шынайы алғысын білдірді.
Қызметкерлердің үйлесімді іс-қимылының, жеделдігінің, жанашырлығы мен жоғары кәсібилігінің арқасында іздестіру жұмыстары сәтті аяқталып, арнайы әлеуметтік қызмет алушы аман-есен табылды.
Көрсеткен көмегі мен қолдауы үшін «Жерді алаң» орманшылығының басшысы - Жаслан Тәңірбергенұлы Нургалиевқа, «Жерді алаң» орманшылығының ұжымына, Белгебай орманшылығының басшысы - Мейрам Батаевич Ибрагимовқа, Белгебай орманшылығының ұжымына, сондай-ақ Белгебай орманшылығының мемлекеттік инспекторы - Жақсылық Бауржанұлы Абденбаевқа алғыс хаттар табысталды.
«Ертіс орманы» мемлекеттік орман табиғи резерваты РММ өз қызметкерлерінің еңбегіне берілген жоғары баға үшін ризашылығын білдіреді. Осындай өзара қолдау, жауапкершілік пен өз ісіне адалдықтың үлгілері адам өмірі мен қауіпсіздігі әрдайым басты құндылық болып қала беретінін айқын көрсетеді.
Қызметкерлерімізге жанқиярлығы, жоғары кәсібилігі және кез келген жағдайда көмек көрсетуге әрдайым дайын болғаны үшін шынайы алғысымызды білдіреміз!
«Ертіс орманы» мемлекеттік орман табиғи резерватының қарағайлы ормандарында табиғаттың ерекше туындыларының бірі – бұғы кладинасы (ягель) (Cladonia rangiferina) өседі.
Сырт көзге мүкке ұқсайтын бұл өсімдік шын мәнінде саңырауқұлақ пен балдырдың селбесіп тіршілік етуінен түзілген қына. Оның ақшыл сұр түсті, бұтақтанып өсетін қабаттары орман төсенішінде әсем табиғи кілем тәрізді көрініс қалыптастырады.
📍 Бұғы кладинасы Қазақстан Республикасының Қызыл кітабына енгізілген сирек кездесетін әрі қорғауды қажет ететін түр. Солтүстік Қазақстан оның таралу аймағының оңтүстік шекарасы болып табылады. Сондықтан бұл түрді сақтау еліміздің биологиялық алуантүрлілігін қорғауда ерекше маңызға ие.
🌱 Бұғы кладинасы өте баяу өседі – жылына небәрі 3–5 миллиметр ғана. Үлкен шоғырлардың қалыптасуына ондаған жыл қажет болғандықтан, оның аз ғана зақымдануының өзі ұзақ уақыт бойы қалпына келуіне себеп болады.
🌲 Бұл қына құрғақ құмды топырақтарда, жарық мол түсетін қарағайлы ормандарда, мүктер мен басқа да қыналардың арасында өседі. Осындай қолайлы табиғи орта «Ертіс орманы» резерватының аумағында сақталған.
🌍 Бұғы кладинасы табиғаттағы маңызы зор:
• топырақ түзілуіне қатысады;
• топырақтағы ылғалды сақтауға көмектеседі;
• ауаның тазалығының табиғи көрсеткіші болып саналады;
• солтүстік бұғылары үшін негізгі қорек көздерінің бірі болып табылады.
⚠️ Бұғы кладинасы төнетін негізгі қауіптер – орман өрттері, орманды кесу, тапталу және ауаның ластануы. Өте баяу өсетіндіктен, бүлінген алқаптардың қайта қалпына келуі көптеген жылдарға созылады.
💚 Бұғы кладинасы қорғау арқылы біз Ертіс өңірінің бірегей қарағайлы ормандарын, олардың биоалуантүрлілігін және Қазақстанның табиғи мұрасын сақтаймыз.
#ЕртісОрманы #ҚызылКітап #БұғыКладинасы#Ягель#Биоалуантүрлілік #ТабиғаттыҚорғайық #Экология
Борабай орманшылығының қызметкерлері туризм және экологиялық ағарту бөлімінің мамандарымен бірлесіп орман жиегін тазарту жұмыстарын жүргізді.
Іс-шара барысында орман жиегі тұрмыстық қалдықтардан және өрт қаупін тудыратын жанғыш материалдардан тазартылды. Мұндай жұмыстар орманның санитарлық жағдайын жақсартып, орман өрттерінің алдын алуға, сондай-ақ келушілер үшін табиғи аумақтардың қауіпсіздігі мен тазалығын қамтамасыз етуге ықпал етеді.
Табиғатты қорғау – әрқайсымыздың ортақ міндетіміз🌿💚
#ЕртісОрманы#БорабайОрманшылығы #ТазаОрман