2025 жылғы 14 қараша
Туризм және экологиялық ағарту бөлімі мамандары күз-қыс кезеңінде құстарды қолдауға арналған танымдық экологиялық іс-шара өткізді.
Іс-шара басында қатысушыларға ақпараттық дәріс ұйымдастырылды. Балалар құстарға қыста көмектесудің маңыздылығын және оны дұрыс тәсілмен қалай жүзеге асыру керегін білді.
Тәжірибелік бөлімде балалар құстарды қауіпсіз түрде қоректендіру ережелерімен танысып, қыс мезгілінде қандай жем түрлері қолайлы екендігін және құстардың суықты жеңіл өткізуіне жағдай жасау жолдарын үйренді.
Іс-шара жылы әрі қызықты атмосферада өтіп, балаларға жаңа білім, табиғатқа қамқорлық сезімін және орман құстарын қиын кезеңде қолдауға деген ынта сыйлады.
