2025 жылғы 7 қарашада ҚР ЭТРМ Орман шаруашылығы және жануарлар дүниесі комитетінің бұйрығына сәйкес өрт қауіпті маусым ресми түрде аяқталды.
2025 жылғы 7 сәуірден бастап, маусымның басталуынан бері «Ертіс орманы» МОТР РММ аумағында 80 орман өрті тіркелді, олардың ішінде:
- 1 жағдай – себебі анықталмаған;
- 1 жағдай – электр беру желілерінің (ЭБЖ) қысқа тұйықталуынан;
- 78 жағдай (99%) – найзағай түсудің салдарынан.
Өрт қаупі кезеңі бойы резерваттың өртке қарсы бөлімшелері үнемі дайындық режимінде жұмыс істеді. Орман күзетінің жедел және үйлесімді жұмысының арқасында өрт ошақтары уақтылы жойылды.
Алдын алу шаралары аясында ауқымды жұмыстар атқарылды:
- құрғақ өсімдіктерге қарсы өртпен тазалау жүргізілді;
- минералданған жолақтар төселіп, жаңартылды;
- мемлекеттік орман қоры шекараларында шөп шабу жұмыстары жүргізілді;
- ормандағы өрт қауіпсіздігі ережелерін сақтау бойынша халықпен және ауыл шаруашылығы тауар өндірушілерімен нұсқамалар мен түсіндіру жұмыстары жүргізілді.
Орманымыз бен табиғатымызды қорғауға өз үлесін қосқан, өрт сөндіруге қатысқан барлық жандарға шынайы алғысымызды білдіреміз!