2026 жылғы 11 қарашада «Ертіс орманы» мемлекеттік орман табиғи резерватының туризм және экологиялық ағарту бөлімінің мамандары Шарбақты ауданы №2 жалпы орта білім беретін мектебінің 7-сынып оқушыларына танымдық экскурсия ұйымдастырды.
Экскурсия барысында оқушылар төмендегі туристік бағыттармен танысты:
🌿 №1 – «Ғабдул Уахит Хазырет»;
🌿 №3 – «Өз өлкеңмен таныс»;
🌿 №12 – «Лешкин ізі».
Сонымен қатар оқушылар Ботабас орманшылығына барып, орман шаруашылығының тыныс-тіршілігімен танысты. Олар өрт сөндіру техникасын және кәдімгі қарағай көшеттерін отырғызуға арналған арнайы техниканы көріп, олардың жұмысымен танысты.
🚒 Экскурсия барысында орманды өрттен қорғау, орманды қалпына келтіру және табиғи ресурстарды сақтау мәселелеріне ерекше назар аударылды.
🌱 Танымдық экскурсия барысында оқушылар орман экожүйесі, туған өлкенің табиғи байлықтары және орман шаруашылығы мамандарының қызметі туралы білімдерін кеңейтті.
Мұндай іс-шаралар өскелең ұрпақтың экологиялық сауаттылығын арттыруға, туған өлкенің табиғатына деген қызығушылығын оятуға және қоршаған ортаға жанашырлықпен қарауға тәрбиелеуге бағытталған.
Табиғатқа деген сүйіспеншілік оны танудан басталады! 💚
#ЕртісОрманы #ЭкологиялықАғарту #ШарбақтыАуданы




