1 сәуірде бүкіл әлемде Құстардың халықаралық күні атап өтіледі — бұл құстарды және олардың табиғи мекен ету ортасын қорғауға назар аударуға бағытталған маңызды экологиялық мереке.
Осы атаулы күнге орай «Ертіс орманы» МОТР РММ туризм және экологиялық ағарту бөлімі Шарбақты ауданында ауқымды танымдық іс-шара ұйымдастырды. Іс-шара «Радуга» мектептен тыс жұмыс орталығында өтті, онда резерват мамандары оқушыларға арналған мазмұнды әрі қызықты бағдарлама дайындады.
Іс-шараға «№2 ОМ», «ЖББМ», «№3 ЖББМ», сондай-ақ «Абай атындағы ЖОББМ» КММ оқушылары қатысты. Оқушыларға табиғаттағы құстардың маңызы, олардың алуан түрлілігі мен экожүйедегі рөлі туралы танымдық дәріс өткізілді.
Оқушылар арасында құстар тақырыбындағы интерактивті ойындар мен викториналар ерекше қызығушылық тудырды. Балалар белсенді қатысып, өз білімдерін көрсетіп қана қоймай, көптеген жаңа мәліметтер алды. Мұндай форматтар алынған ақпаратты бекітіп қана қоймай, жас ұрпақтың табиғатқа деген шынайы қызығушылығын арттырады.
Іс-шараның қорытындысы ретінде құс ұяларын жасау бойынша шеберлік сабағы өткізілді. Резерват мамандарының жетекшілігімен қатысушылар өз қолдарымен құстарға арналған ұялар жасап, оларды қорғаудың маңыздылығын түсінді. Балалар түрлі құстар бейнеленген суреттерді бояп, өз қиялдары мен қызығушылықтарын көрсетті.
Өткізілген іс-шара экологиялық ағарту арқылы қоршаған ортаға деген жауапкершілікті қалыптастырудың жарқын үлгісі болды.
Құстардың халықаралық күні — табиғатқа қамқорлық әрқайсымыздан басталатынын еске салатын тағы бір мүмкіндік.
