Жаңалықтар
Су құстарының көктемгі миграциясы кезінде оларды бақылау және заңсыз аң аулауға (браконьерлікке) жол бермеу мақсатында арнайы күзет шаралары белсенді түрде жалғасуда.
Орман шаруашылығы және жануарлар дүниесі комитетінің тапсырмасына сәйкес, мамандар су айдындарын үнемі бақылауда ұстап, табиғатты қорғау заңнамасының сақталуын қамтамасыз етуде.
Су құстары – табиғаттың ажырамас бөлігі. Оларды сақтау – болашақ ұрпақ алдындағы борышымыз!
Сыбайлас жемқорлыққа жол жоқ!
Браконьерлікке – тосқауыл!
Көктемгі аңшылық маусымы басталды. Ал “Ертіс орманы” табиғи резерваты – аң аулауға мүлде тыйым салынған ерекше қорғалатын аумақ!
Көктем – табиғаттың оянып, жануарлар дүниесінің ұрпақ өрбітіп, тіршілігі жандана түсетін мезгілі. Осындай сәтте су құстарының тыныштығын бұзу, заңсыз аңшылықпен айналысу – табиғатқа жасалған ауыр қиянат.
Осыған байланысты “Ертіс орманы” мемлекеттік табиғи резерватының инспекторлары мен Шарбақты ауданының полиция бөлімі бірлесіп, су айдындарында рейдтік іс-шаралар өткізуде. Бұл шаралар табиғатты қорғау, су құстарының санын сақтап қалу және браконьерлік әрекеттерге жол бермеу мақсатында ұйымдастырылған.
Естеріңізге саламыз:
“Ертіс орманы” – Қазақстан Республикасының Заңымен қорғалатын ерекше табиғи аймақ. Мұнда аңшылықтың барлық түріне қатаң тыйым салынған. Заң бұзғандар әкімшілік және қылмыстық жауапкершілікке тартылады.
Егер сіз заңсыз аңшылықты байқасаңыз:
— бірден 102 нөміріне хабарласыңыз;
— немесе +77056019680 орман күзетіне дер кезінде ақпарат беріңіз.
Табиғатты аялау – әрбір азаматтың борышы.
Су құстары – тек табиғаттың емес, біздің де байлығымыз. Оларды бірге қорғайық!
«Ертіс орманы» мемлекеттік орман резерватының бас директордың м.а. Қ.Қ. Әметовтың төрағалығымен және әдеп жөніндегі уәкіл М.З. Есумқановтың қатысуымен қызметкерлер арасында сыбайлас жемқорлықтың алдын алу және қызметтік әдеп нормаларын сақтау мәселелері бойынша жиналыс өтті.
Жиналыс барысында әдеп нормаларды сақтау, сыбайлас жемқорлыққа жол бермеу және ұжымда моральдық-этикалық ахуалды нығайту тақырыптары қозғалды.
Ертіс орманы резерваты аумағында экологиялық акция аясында 2000 дана жеміс-жидек бұтасын отырғызу жұмыстары қарқынды жүргізілуде.
Бастама Белгібай орманшылығынан басталып, жалғасын Шалдай орман өрт сөндіру станциясында тапты. Мұнда 50 дана қараөрік (черемуха) талдары отырғызылды.
Бұл тек көгалдандыру емес – бұл болашаққа салынған инвестиция. Жеміс-жидек ағаштары экожүйені қалпына келтіріп, табиғи өніммен қамтамасыз етумен қатар, адам мен табиғат арасындағы байланысты нығайтады.
Табиғатты аялау – өзімізді аялау.
Бір тал ек – бір үміт ек!
![](/images/IMG_8896.JPG" alt="IMG_8896.JPG)
Экология және табиғи ресурстар министрлігі Орман шаруашылығы және жануарлар дүниесі комитетінің қолдауымен «Ертіс орманы» орман табиғи резерваты лизинг арқылы заманауи өрт сөндіру жабдықтарымен толық жарақталған арнайы техникалармен қамтамасыз етілді.
Автопаркіміз 34 бірлік шағын өрт сөндіру кешендері және 15 трактормен толықты. Бұл техникалар орман өрттерінің алдын алу, патрульдік бақылау, мониторинг жүргізу және төтенше жағдайларға жедел әрекет ету жұмыстарын тиімді жүзеге асыруға мүмкіндік береді.
2025 жылы қосымша 34 бірлік АЦ-3 маркалы өрт сөндіру машиналарын сатып алу жоспарланған.
Мемлекет тарапынан көрсетіліп жатқан мұндай қолдау – орманды қорғау ісінің маңызды мемлекеттік басымдықтардың біріне айналғанының айқын дәлелі.
«Ертіс орманы» резерватының барлық орманшылықтарында ауқымды экологиялық акция бастау алды.
Алғашқы көшеттер Белгібай орманшылығында отырғызылды — 150 түп алтын қарақат (алтын смородина) бұтасы егілді!
Мақсат — тек көгалдандыру мен экожүйені жақсарту ғана емес, сонымен қатар жергілікті тұрғындар үшін табиғи жидекке қолжетімді көз қалыптастыру.
Бұл жоба әлеуметтік маңызға да ие: болашақта тұрғындар жидекті еркін теріп, өз қажетіне пайдалана алады. Бұл табиғатқа деген сүйіспеншілікті, экологиялық мәдениетті қалыптастыруға жол ашады.
Алда — резерваты аумағында 2000-нан астам жемісті және жидекті бұталар отырғызылады!
Құрметті тұрғындар!
Азаматтарды қабылдау бекітілген кестеге сәйкес тұрақты түрде өткізіледі. Қабылдау барысында:
✅ Жұмысқа орналасу
✅ Әлеуметтік мәселелер
✅ Орман шаруашылығына қатысты сұрақтар
✅ Басқа да маңызды тақырыптар қарастырылады.
Әрбір өтінішке жан-жақты назар аударылып, қолданыстағы заңнама аясында шешім қабылданады.
Біз ашық диалогқа дайынбыз!
Сіздің ұсыныстарыңыз біз үшін маңызды.
📌 ҚАБЫЛДАУ КҮНДЕРІ:
— Сейсенбі
— Жұма
⏰ Уақыты: 15:00–17:00
📝 Алдын ала жазылу міндетті!
📲 Байланыс:
8 (718) 36 3 22 52
8 (777) 545 09 45
Көктеммен бірге резерват аумағына сұңқылдақ аққулар келіп қонды. Ақ қанаттарын жайып, көл бетінде қалықтаған бұл көркем құстар табиғаттың оянуын паш етеді.
Біз көктемгі құстардың оралуына бақылау жұмыстарын жалғастырудамыз. Әрбір келіп қонған қанатты қонақ — экожүйенің тепе-теңдігін көрсететін ерекше белгі.
Құстар — табиғаттың нәзік әуені. Оларды қорғау — ортақ парызымыз.
Резерват аумағы — Сібір еліктерінің жайлы мекені. Соңғы жүргізілген санақ нәтижесі бойынша, бүгінде бұл киелі өңірде 932 дарақ Сібір елігі мекендейді.
Бұл — табиғатты қорғауға бағытталған жұмыстардың жемісі, табиғи тепе-теңдіктің сақталып келе жатқанының айғағы.
Сібір елігі — орманның көркі, дала тынысының нәзік лебі. Олардың еркін әрі қауіпсіз өмір сүруі — біздің қамқорлығымызға байланысты.
Табиғат — аманат. Оны сақтау — ұрпақ алдындағы парызымыз.