Жаңалықтар
Бұл жолы камера елік төлдерімен бірге жүрген сәтін түсіріп алды — бұл табиғаттың қорғалатын аумақта еркін өмір сүріп жатқанын дәлелдейді.
❗ Еске саламыз: «Ертіс орманы» мемлекеттік табиғи резерватының аумағында барлық аң түрлеріне аңшылық жасау қатаң түрде тыйым салынған.
Бірге табиғатты сақтайық!
#ЕртісОрманы #фототұзақ #жабайытабиғат #елік #табиғатқорғау#
«Ертіс орманы» мемлекеттік табиғи резерватының мемлекеттік инспекторлары Шарбақты ауданының полиция бөлімімен бірлесіп, «Қауіпсіз шабындық» акциясы аясында шабындық алқаптарда рейдтік түсіндірме жұмыстарын жүргізді.
⠀
Іс-шараның мақсаты – өрт қауіпсіздігі ережелерін сақтау және халық арасында ақпараттандыру жұмыстарын күшейту. Құрғақ шөп пен жоғары температура жағдайында оттың шығу қаупі аса жоғары, сондықтан әр азаматтың сақтығы маңызды.
⠀
Құрметті өңір тұрғындары!
Өрттің алдын алу – әрқайсымыздың азаматтық міндетіміз. Табиғатты өрттен қорғау үшін келесі қауіпсіздік шараларын қатаң сақтауды сұраймыз:
- от жағуға болмайды;
- сөндірілмеген темекі мен шырпыны тастамаңыз;
- арнайы жабдықталмаған жерде қоқыс пен шөп қалдықтарын жағуға тыйым салынады.
⠀
Өрт немесе заңбұзушылық фактілерін байқаған жағдайда 112 нөміріне немесе орман қызметіне хабарласыңыз.
⠀
Табиғатты бірге қорғайық!
«Ертіс орманы» резерваты мен Қазақ орман шаруашылығы ғылыми-зерттеу институтының арасындағы келісімшартқа сәйкес, мемлекеттік орман табиғи резерваты «Ертіс орманы» аумағында орман дақылдарының өсіп-жетілуін арттыру мақсатында ғылыми-зерттеу жұмыстары жүргізілуде.
Зерттеу аясында келесі жұмыстар атқарылуда:
— топырақтың ылғалдылығы мен химиялық құрамын анықтау үшін сынамалар алынуда;
— дендрохронологиялық зерттеулер жүргізу мақсатында жақын маңда табиғи өскен қарағайлардан керн үлгілері алынуда;
— ауаның орташа температурасы сияқты климаттық көрсеткіштер зерттелуде.
Зерттеудің басты мақсаты – отырғызылған орман дақылдарының жерсінуін арттыруға әсер ететін негізгі факторларды анықтап, ғылыми негізделген ұсыныстар әзірлеу.
«Ертіс орманы» мемлекеттік орман табиғи резерватының ақпараттық сайтына қош келдіңіздер!
Табиғи резерваттың жалпы көлемі 277961 га, оның ішінде орманмен көмкерілгені 194267 га. Резерваттың орман аумағы 57% құрайды.
Табиғи резерваттың аумағына «аса құнды орман алқаптары» қорғанысының санаты берілген.
Ол Павлодар облысы – Шарбақты және Аққулы екі әкімшілік аудандарының аумағында орналасқан.
Резерваттың негізгі міндеттері:
Экожүйелердің тұтастығын, бірегей табиғи кешендер мен нысандарды, тарих пен мәдени ескерткіштерін сақтау;
Бұзылған табиғи және тарихи – мәдени кешендер мен нысандарды қалпына келтіру;
Табиғи кешендерді дамытудың табиғи жағдайын зерделеу және экологиялық мониторинг жүргізу;
Халыққа экологиялық ағарту жұмысын ұйымдастыру, оқушылар мен студенттердің оқыту экскурсиялары мен сабақтарын, өндрістік тәжірибелерін өткізу;
Экологиялық туризмді ұйымдастыру және іске асыру, осы мақсаттарға арналған заңмен белгіленген тәртіпте шектеулі шаруашылық қызметті қалпына келтіру.
Резерваттың ақпараттық сайты арқылы резерват аумағында атқарылып жатқан жұмыстарымен, орман шаруашылығының жаңалықтарымен таныса отырып, өздеріңізді қызықтыратын сұрақтарыңызды қоя аласыздар.
Құрметпен, «Ертіс орманы» МОТР РММ бас директорының м.а.
Сырым Мұратұлы Елемесов
Тазалық — әр адамнан, әр үйден, әр көше мен жолдан басталуы тиіс. Себебі бұл — біздің орта, болашақ ұрпаққа қалдыратын аманат.
⠀
«Жас келсе – іске» демекші, Шақа ЖОББМ оқушылары, мектеп орманшылығы мүшелері және Бесқарағай орманшылығының бас орманшысы Қасымов Б.Д. жетекшілігімен 0,5 гектар аумақта тазалық жұмыстары жүргізілді.
⠀
Ортақ іске жұмыла кірісу — қоршаған ортаны құрметтеудің жарқын көрінісі. Табиғаттың тазалығы – әр адамның ішкі мәдениеті мен азаматтық жауапкершілігінің айғағы.
⠀
«Ертіс орманы» мемлекеттік табиғи резерваты “Таза Қазақстан” экологиялық акциясы аясында баршаңызды табиғатты қорғауға және тазалықты сақтауға шақырады!
Табиғат – біздің ортақ байлығымыз. Бір ғана сіріңке тұтас орманды күлге айналдыруы мүмкін.
⠀
Орман өртінің негізгі себептері:
- Абайсыз тасталған темекі немесе от;
- Рұқсатсыз от жағу;
- Құрғақ шөпті жағу;
- Әдейі өртеу.
⠀
Есте сақтаңыз:
- Орманда от жағуға тыйым салынады;
- Демалыстан кейін отты толық өшіріп кетіңіз;
- Балаларды қараусыз қалдырмаңыз.
⠀
Өрт белгілерін байқасаңыз, бірден 101 немесе 112 нөміріне хабарласыңыз!
⠀
Орман – ұрпаққа аманат!
Қорғайық, сақтайық, қадірлейік!
Өрт қаупі жоғары маусымда мемлекеттік инспекторлар шөп шабумен айналысатын тұрғындар арасында түсіндіру-профилактикалық жұмыстарын жүргізуде.
⠀ Негізгі назар келесі бағыттарға аударылуда:
- өрт қауіпсіздігі ережелерін сақтау;
- техникаларды өрт сөндіру құралдарымен жабдықтау;
- құрғақ шөп пен қоқысты жағуға тыйым салу.
⠀
Әрбір сақтық шарасы – орманды өрттен сақтау жолындағы маңызды қадам!
«Ертіс орманы» мемлекеттік орман табиғи резерваты аумағында жабайы жануарлардың популяциясын бақылау мақсатында фототұзақтар орнату жұмыстары тұрақты түрде жүргізілуде.
Бұл құрылғылар жануарлардың қозғалысын автоматты түрде түсіріп, олардың түрлік құрамын, таралу аймағын және тіршілік әрекеттерін зерделеуге мүмкіндік береді. Жиналған деректер ғылыми-зерттеу жұмыстарында және табиғатты қорғау шараларын жоспарлауда маңызды рөл атқарады.
Фототұзақтар арқылы сілеусін, бұлан, елік және басқа да жануарлардың ерекше сәттері тіркелуде.
Табиғатты зерттеу — оны қорғаудың сенімді жолы.
«Ертіс орманы» резерватында жабайы жануарлардың қысқы маусымда қорексіз қалмауы үшін азық қоры жүйелі түрде дайындалуда.
⠀
Аңшылықтанушылар биылғы қысқа:
25 тонна шөп
6000 дана азықтық сыпырғыштар
дайындауда.
⠀
Азықтар жануарлар жиі шоғырланатын, қауіпсіз және қолжетімді аймақтарда орналастырылады.
⠀
Табиғатты аялау – әрқайсымыздың міндетіміз!
⠀
«Ертіс орманы» МОТР РММ-нің мемлекеттік орман инспекторлары өрт қаупі жоғары кезеңде орман өрттерінің алдын алу шараларын жүйелі түрде жалғастыруда.
⠀
Азаматтарға орман өртінің алдын алу туралы түсіндіру жұмыстары жүргізіліп, ақпараттық буклеттер таратылды. Сонымен қатар, орман алқаптарына дрон аппараты арқылы әуеден бақылау жұмыстары ұйымдастырылды.
⠀
Құрметті өңір тұрғындары!
Өрт қауіпсіздігі талаптарын қатаң сақтауға, орман алқаптарында от жағудан және жанғыш материалдарды пайдаланудан бас тартуға шақырамыз.
⠀
Табиғат — ортақ байлығымыз. Оның қауіпсіздігі — әрқайсымыздың жауапкершілігіміз.