«Ертіс орманы» мемлекеттік орман табиғи резерваты Шарбақты ауданының ТЖБ-мен бірлесіп, өрт қауіпті кезеңге алдын ала дайындық бойынша кешенді іс-шаралар жүргізуде.
Дайындық аясында орман өрттерін сөндіруге тартылатын күштер мен құралдардың әзірлігі тексеріліп, өрт сөндіру техникасы мен жабдықтарына техникалық байқау жүргізілуде.
Қызметкерлерді оқыту мен нұсқама беру, сондай-ақ төтенше жағдайлар туындаған кезде бірлескен іс-қимылдарды пысықтауға ерекше назар аударылуда. Өрттің алдын алу және резерват аумағындағы өрт қауіпсіздігі деңгейін арттыруға бағытталған профилактикалық шаралар өткізілуде.
Сонымен қатар, халық арасында ормандарда өрт қауіпсіздігі ережелерін сақтау қажеттілігі туралы түсіндіру жұмыстары жүргізілуде.
«Ертіс орманы» мемлекеттік орман табиғи резерваты өңір тұрғындары мен қонақтарын отты қолдануда мұқият әрі жауапты болуға шақырады.
Орманды сақтау — баршамыздың ортақ міндетіміз!