Қос ару — Айдарханова Жанат Советовна мен Ахметова Анжелла Асылхановна — Бесқарағай филиалының диспетчерлік қызметінің операторлары, табиғи резерваттағы аса маңызды қызметті абыроймен атқарып жүрген жандар.
Диспетчер – бұл жай ғана техникалық маман емес. Бұл – орманның тыныштығы мен қауіпсіздігіне алғашқы жауап беретін адам. Әрбір келіп түскен ақпараттың шұғыл өңделуі, тиісті топтарға нақты әрі жедел жеткізілуі – диспетчердің кәсіби біліктілігіне тікелей байланысты.
Әсіресе орман өрті кезінде бұл қызметтің маңызы еселене түседі:
- Мұнарадан келіп түскен ақпаратты қабылдау,
- Картадан өрт орнын дәл анықтау,
- Өрт сөндіру тобына нақты бағыт беру – бұл әрекеттер әр секундпен өлшенеді.
Жанат Советовна мен Анжелла Асылхановна өз міндеттеріне аса жауапкершілікпен қарап, төтенше жағдайлардың алдын алуда үлкен үлес қосып келеді.
Табиғи резерваттағы орталық диспетчерлік қызмет – нағыз «жүрек» десек, ол жүректің тоқтамай соғып тұруы осы қос арудың қажырлы еңбегінің арқасы.
