2026 жылғы 21 қаңтарда «Павлодар облысының орман шаруашылығы және жануарлар дүниесі аумақтық инспекциясы» РММ Орман шаруашылығы және ерекше қорғалатын табиғи аумақтар бөлімінің басшысы Елюбаев Ш.Б., сондай-ақ Орман және ЕҚТА бөлімінің бас маманы Қабильдинов А.С. «Ертіс орманы» мемлекеттік табиғи резерватының мамандарына оқыту-түсіндіру іс-шарасын өткізді.
Іс-шара аясында келесі негізгі мәселелер қаралды:
— төтенше жағдайлар кезінде уәкілетті органдар мен ұйымдардың өзара іс-қимыл жасау алгоритмдері;
— орман өрттері туындаған жағдайда әрекет ету тәртібі;
— хабарлау және күштерді үйлестіру сызбасы;
— табиғи сипаттағы төтенше жағдайларға ден қою жоспары;
— өрт ошақтарын оқшаулау және жою үшін қажетті күштер мен құралдарды есептеу тәртібі.
Аталған іс-шара персоналдың дайындық деңгейін арттыруға, сондай-ақ өрт қаупі жоғары кезеңде жедел әрі үйлесімді әрекет етуді қамтамасыз етуге бағытталған.
