Мемлекеттік орман табиғи резерваты “Ертіс орманы” аумағындағы уақытша орман-тұқымдық учаскелерде қарағай бүрінің өнімділігіне бағалау жүргізілді.
Зерттеу нәтижелері бойынша:
▪️ Бір ағаштағы бүрлердің орташа саны — 170–220 дана
▪️ 1 гектардағы өнімділік — 305-тен 410 кг-ға дейін
Бағалау Павлодар облысында орман шаруашылығын жүргізудің негізгі ережелері аясында бекітілген бүрдің ылғалдылығына байланысты өнімділікті бағалау шкаласына сәйкес жүргізілді.
Алынған деректер келесі бағыттар үшін маңызды:
✔️ тұқым дайындауды жоспарлау
✔️ жоғары өнімді учаскелерді іріктеу
✔️ сапалы орманды қалпына келтіруді қамтамасыз ету
Мұндай іс-шаралар орман ресурстарын тиімді басқаруға және өңірдегі қарағайлы ормандардың генетикалық қорын сақтауға мүмкіндік береді.
