Орманды өрттен сақтау — табиғатты қорғаудың маңызды бөлігі. Бұл істе өрт сөндіру техникаларының, әсіресе кәсіби жүргізушілердің рөлі орасан зор.
⠀
Осы бағытта абыроймен еңбек етіп келе жатқан азаматтардың бірі — Жерді Алаң орманшылығының өрт сөндіру көлігінің жүргізушісі Алтай Әбілов.
⠀
Ол 2005 жылдан бері өрт сөндіру станциясында үздіксіз қызмет етіп, 20 жыл бойы тілсіз жауға қарсы күресте сенімді тірек бола білді.
⠀
Әріптестері оны кәсіби біліктілігі жоғары, техникаға жанашырлықпен қарайтын, кез келген жағдайда салмақты шешім қабылдай алатын жауапты маман ретінде сипаттайды.
⠀
Орман ішіндегі жағдайды жетік білетін Алтай Әбілов техникаға ұқыпты қарап, көлікті әрдайым сапалы күйде ұстап келеді.
⠀
Оның еңбек жолы — жас мамандарға үлгі, ал орман қауіпсіздігін қамтамасыз етудегі рөлі — бағалауға лайық.
⠀
👏 «Ертіс орманы» ұжымы Алтай Әбіловке зор денсаулық, отбасына амандық, кәсіби жетістіктер тілейді!