Ағымдағы жылы 16 қыркүйек күні сағат 13.30 шамасында табиғи резерваттың Шалдай филиалының, Бауртал орманшылығында орман өртіне барар жолда Газ 3308 маркалы өрт сөндіру машинасы жол апатына ұшырап, салдарынан орман өрт сөндіру бригадасының жұмыскері Каирханов Е. (1985 ж.) алған жарақатынан оқиға орнында көз жұмды.Өрт сөндіру машинасының жүргізушісі Кубайдуллин Ж.(1960 ж.) ауыр халде санавиациямен Павлодар қаласының ауруханасына жеткізілді.
Аталған факт бойынша қажетті сараптамалар тағайындалып, тексеріс жүргізілуде.
"Ертіс орманы" табиғи резерваты басқармасының атынан қайтыс болған марқұм Каирханов Е. отбасына,туған-туыстары на қайғыра көңіл айтамыз. Марқұмның отбасына қажетті көмек көрсетілетін болады.
Каирханов Ерик Тортайұлы өз жұмысына адал, жауапкершілігі мол, әріптестер арасында құрметке ие болған.