ЕҚТА (ерекше қорғалатын табиғи аумақтар) аумағында жануарларды заңсыз аулау үшін қатаң жауапкершілік қарастырылған. Әрбір браконьерлік оқиға экожүйеге және биологиялық әртүрлілікке үлкен қауіп төндіреді!
Заңсыз ауланған әр жануар үшін залал құны:
Елік– 1 081 250 тг (250 АЕК)
Бұлан– 2 162 500 тг (500 АЕК)
Орман сусары – 865 000 тг (200 АЕК)
Сілеусін – 86 500 тг (20 АЕК)
Борсық – 43 250 тг (10 АЕК)
Тиін – 21 625 тг (5 АЕК)
Түлкі – 21 625 тг (5 АЕК)
Қоян – 21 625 тг (5 АЕК)
Қарсақ – 21 625 (5 АЕК) және т.б.
Қазақстан Республикасының Қызыл кітабына енгізілген құстар:
Ителгі— 3 027 500 тг (700 АЕК)
Бүркіт — 1 730 000 тг (400 АЕК)
Сұңқылдақ аққу — 1 730 000 тг (400 АЕК) және т.б.
Қазақстанның Қызыл кітабына енген түрлер үшін ерекше жауапкершілік қарастырылған!
Ұяларды, індерді, апандарды заңсыз жою – 10 АЕК айыппұл
Жұмыртқалар мен эмбриондарды заңсыз алу – ересек жануар үшін белгіленген айыппұлдың 50%-ы
Маңызды!
Жануарларды іздеу, аңду және қудалау, сондай-ақ аңшылық алқаптарында қару-жарақ немесе аң аулайтын құстармен жүру аңшылыққа теңестіріледі!
Бұл әрекеттер үшін де айыппұл салынып, қылмыстық жауапкершілік жүктеледі.
ТӘУЕКЕЛГЕ БАРМАҢЫЗ! Біз табиғатты қорғауға және экожүйедегі тепе-теңдікті сақтауға міндеттіміз.
Табиғатты қорғау – барлығымыздың ортақ міндетіміз.
