Өңіріміздің сұлу табиғатымен танысу және бейнелеу мақсатында 16 тамыз күні табиғи резерват аумағына кәсіби суретшілер делегациясы келді.
Суретшілер тобының құрамында Қазақстанның кәсіби суретшілері, ҚР еңбек сіңірген мәдениет қайраткерлері, ҚР Суретшілер одағының мүшелері, ҚР көркемөнер академиясының академиктері бар.
Делегаттарға туризм бөлімінің мамандары Дендросаябақ пен Орман тұқымбағына экскурсия өткізіп, табиғи резерват пен туристтік маршруттары жайлы ақпаратпен бөлісті.
Бір жұма бойы қылқалам шеберлері орманда өз туындыларын бейнелеп,пленэр соңында салынған бейнелерден көрме ұйымдастырылатын болады.
Соңғы жылдары арт-туризм бағыты танымал болуда, бұл мәдени туризмнің ерекше түрі, оған экскурсиядан басқа, сурет салудан тәжірибелік сабақтар кіреді.