Республикалық «Таза Қазақстан» экологиялық акциясы аясында Бесқарағай филиалына қарасты «Шақа жалпы білім беретін орта мектебінің» 4, 6–9-сынып оқушылары “Таза өлке” сенбілігін өткізді.
⠀
Өндірістік оқу шебері Ахмедиева А.А. жетекшілігімен өткен бұл шарада мектеп орманшылығының жас мүшелері туған өлкеге деген жанашырлықтың жарқын үлгісін көрсетті.
⠀
Бірлескен еңбектің нәтижесінде:
— 100 кг-нан астам тұрмыстық қоқыс,
— 50 кг-ға жуық пластик бөтелкелер жиналды.
⠀
Табиғатты аялау — әрқайсымыздың ортақ міндетіміз.
Қоқысты кез келген жерге тастамаңыз — таза өлке өзімізден басталады!
⠀